ამერიკის პრეზიდენტობის კანდიდატის დონალდ ტრამპის განცხადებით, მზადაა, შეერთებული შტატების პრეზიდენტის სავარძლის დაკავების შემთხვევაში, ქვეყნიდან ყველა არალეგალი მიგრანტი გაყაროს. ამის შესახებ მან "ენ-ბი-სი"-სთან ინტერვიუში განაცხადა.
მისი თქმით, მიგრანტები ქვეყნიდან აუცილებლად უნდა წავიდნენ.
"ჩვენ დავიწყებთ მათთან მუშაობას. ჩვენ ან გვაქვს ქვეყანა, ან - არა", - განაცხადა ტრამპმა.
ამერიკის პრეზიდენტის არჩევნები 2016 წლის ნოემბერში გაიმართება.