გორის რაიონის სოფელ ხურვალეთიდან, საოკუპაციო რეჟიმის მიერ გატაცებული, 45 წლის დავით ხუროშვილი სახლში იმყოფება.
როგორც "პირWელს" შინაგან საქმეთა სამინისტროს საინფორმაციო-ანალიტიკური დეპარტამენტის ხელმძღვანელმა, შალვა ენუქიძემ განუცხადა, ხუროშვილის გათავისუფლება გუშინ მოხდა.
"ის უკვე საკუთარ სახლში იმყოფება. მასზე არანაირი ფორმის ზეწოლა არ განხორციელებულა, მამაკაცი თავს კარგად გრძნობს", - აღნიშნა ენუქიძემ.
შეგახსენებთ,რომ 25 ივლისს, საოკუპაციო რეჟიმის წარმომადგენლებმა, გორის რაიონის სოფელ ხურვალეთიდან, 45 წლის დავით ხუროშვილი გაიტაცეს. გატაცებული მამაკაცი ცხინვალის იზოლატორში ჰყავდათ მოთავსებული.
