ფილიპინებში სამგზავრო ბორანის კატასტროფის შედეგად დაღუპულთა რიცხვმა 60-ს მიაღწია.
"ბიბისის" ცნობით, ქვეყნის სანაპირო დაცვის წევრებმა ბოლოს აღმოჩენილი ცხედრები ჩაძირულ ბორანზე იპოვეს.
ინციდენტი კუნძულ ლეიტეზე რამდენიმე დღის წინ მოხდა. ბორანზე სულ 200-მდე ადამიანი იმყოფებოდა, მათგან 118 ადამიანის გადარჩენა მაშველებმა შეძლეს. შემთხვევის ადგილას სამძებრო-სამაშველო სამუშაოები ამ დრომდე მიმდინარეობს. კატასტროფის ზუსტი მიზეზები უცნობია.
