საფრანგეთი არ შეეგუება იმ ქმედებებს, რომელიც ქვეყნის უსაფრთხოებას საფრთხეს შეუქმნის. ამის შესახებ "ბიბისის" ცნობით, საფრანგეთის პრეზიდენტმა, ფრანსუა ოლანდმა "ვიკილიქსის" მიერ საიდუმლო დოკუმენტების გავრცელების შემდეგ განაცხადა.
აღნიშნული დოკუმენტებიდან ირკვევა, რომ აშშ-ის ეროვნული უსაფრთხოების სამსახური 2006-2012 წლებში ფრანსუა ოლანდისა და მისი ორი წინამორბედის - ნიკოლა სარკოზისა და ჟაკ შირაკის სატელეფონო საუბრებს ისმენდა. მომხდართან დაკავშირებით ოლანდმა დღეს თავდაცვის საბჭოს საგანგებო სხდომა მოიწვია.
მისი განცხადებით, აშშ-მ პატივი უნდა სცეს პირობას, რომ აღარ განახორციელებს თვალთვალს საფრანგეთის ლიდერებზე.
აშშ-ის ელჩი უკვე დაიბარეს საფრანგეთის საგარეო უწყებაში.
