ზოოპარკის ტერიტორიაზე გაწმენდითი სამუშაოები გრძელდება. როგორც "ინტერპრესნიუსის" კორესპონდენტი ადგილიდან იტყობინება, სამუშაოებში ჩართულია მძიმე ტექნიკა.
ზოოპარკის ტერიტორიაზე გამკაცრებულია შესვლა. სურსათის უვნებლობის სამსახურის თანამშრომლები ტერიტორიაზე შემსვლელ და გამომსვლელ მოქალაქეებს სპეციალური ხსნარით ამუშავებენ, ტერიტორიაზე ასევე აკრძალულია ნიღბის გარეშე გადაადგილება.
რაც შეეხება გაწმენდით სამუშაოებში ჩართულ მაშველებს, მათ უსაფრთხოებაზე თავდაცვის სამინისტროს თანამშრომლები ზრუნავენ.
როგორც თავდაცვის მინისტრის მოადგილემ, ბესიკ ლოლაძემ ჟურნალისტებს განუცხადა, თავდაცვის სამინისტროს თანამშრომლები მაშველების უსაფრთხოებაზე ზრუნავენ, ისინი იარაღით არიან აღჭურვილები და საჭიროების შემთხვევაში შესაბამის რეაგირებას მოახდენენ. გარდა ამისა, სამხედროები გაწმენდით სამუშაოებშიც მონაწილეობენ.
