საგარეო საქმეთა მინისტრ თამარ ბერუჩაშვილის განცხადებით, საგარეო საქმეთა სამინისტროს შენობის არც ადგილმდებარეობა და არც ფიზიკური მდგომარეობა ამ უწყებას არ შეესაბამება, შესაბამისად, ბერუჩაშვილი მიიჩნევს, რომ მისაღებია გადაწყვეტილება შენობის რეაბილიტაციის ან სხვა ალტერნატივის მოძებნის თაობაზე, - ამის შესახებ ბერუჩაშვილმა განცხადება მთავრობის დღევანდელ სხდომაზე გააკეთა.
"ჩვენი შენობა დიდი ხანია ცნობილია, რომ ავარიულ მდგომარეობაშია. წლების განმავლობაში სხვადასხვა ხელისუფლების დროს მართლაც ძალიან ბევრი თანხა დაიხარჯა, მაგრამ არც ადგილმდებარეობა და არც ფიზიკური მდგომარეობა დღეს არ არის შესაბამისი ამ უწყების. რეალურად ალბათ გადაწყვეტილება მისაღებია, ან უნდა მივხედოთ ამ შენობას, ან სხვა ალტერნატივა ვნახოთ, - განაცხადა თამარ ბერუჩაშვილმა.
