"სამიტის მონაწილეები აღიარებენ პარტნიორების ევროპულ მისწრაფებებს და ევროპულ არჩევანს, როგორც ეს ასოცირების შეთანხმებებშია აღნიშნული", - ამის შესახებ რიგის დეკლარაციის საბოლოო ვარიანტშია აღნიშნული.
დოკუმენტში ასევე ხაზგასმულია, რომ სამიტის მონაწილები აღიარებენ, რომ დემოკრატია, ადამიანის უფლებებისა და ფუნდამენტური თავისუფლებების პატივისცემა და კანონის უზენაესობა პოლიტიკური ასოცირებისა და ეკონომიკური ინტეგრაციის ძირითადი არსია.
"სამიტის მონაწილეებმა განიხილეს და მიესალმნენ 2013 წლის ვილნიუსის სამიტის შემდეგ აღმოსავლეთ პარტნიორობის მნიშვნელოვან მიღწევებს, განსაკუთრებით საქართველოსთან, მოლდოვასა და უკრაინასთან ასოცირების შეთანხმებების ხელმოწერას, რაც ამ პარტნიორი ქვეყნების ევროკავშირთან პოლიტიკური ასოცირებისა და ეკონომიკური ინტეგრაციის დაჩქარების კუთხით მთავარ ნაბიჯს წარმოადგენს", - აღნიშნულია დეკლარაციაში.
