რუსეთს უფრო მეტი საერთაშორისო იზოლაცია და დამატებითი სანქციების დაწესება ემუქრება, თუ მინსკის შეთანხმება სულად არ შესრულდება , - ამის შესახებ "როიტერის" ცნობით, ნატო-ს გენერალური მდივნის მოადგილემ ალექსანდრ ვერშბოუმ განაცხადა.
მისივე თქმით, ნაკლებად სავარაუდოა, რომ რუსეთი მინსკის შეთანხმების შესრულებას უჭერდეს მხარს. დღეს მოსკოვში რუსეთის წარმომადგენლებთან უკრაინის კრიზისზე სასაუბროდ აშშ-ის სახელმწიფო მდივნის თანაშემწე ევროპულ და ევრაზიულ საკითხებში, ვიქტორია ნულანდი შეხვედრებს მართავს.
როგორც მოსალოდნელია, მოლაპარაკებების დროს მინსკის შეთანხმების განხორციელების საკითხზეც ისაუბრებენ.
