საქართველოს პრემიერ-მინისტრი ირაკლი ღარიბაშვილი გარემოსა და ბუნებრივი რესურსების დაცვის მინისტრობის კანდიდატს გიგლა აგულაშვილს ხვდება.
გიგლა აგულაშვილი მთავრობის ადმინისტრაციაში რამდენიმე წუთის წინ მივიდა.
"პრემიერ-მინისტრმა დამირეკა, მთხოვა შეხვედრა და მოვედი შეხვედრაზე. შეხვედრის დასრულების შემდეგ აუცილებლად გავაკეთებ კომენტარს", - განაცხადა აგულაშვილმა.
არსებული ინფორმაციით, აგულაშვილთან შეხვედრის შემდეგ, პრემიერ-მინისტრი თავდაცვისა და სპორტის მინისტრობის კანდიდატებსაც შეხვდება. მთავრობის მეთაური ყველა მათგანთან აუდიენციას ინდივიდუალურად გამართავს.
