პროფესიით ფსიქოლოგი ვარ, მაგრამ გაგიგიათ ჩემგან რომელიმე ადამიანის ფსიქოლოგიური ანალიზი გავაკეთო ისეთი სიღრმით, როგორსაც ხშირად ვხედავთ ჩემთან მიმართებაში?! , – ამის შესახებ საქართველოს პრეზიდენტმა გიორგი მარგველაშვილმა გადაცემა "რეაქციაში" განაცხადა.
ქვეყნის პირველი პირი საპარლამენტო უმრავლესობის მხრიდან გაკეთებულ განცხადებებს გამოეხმაურა, რომელმაც მისი დღევანდელი გადაწყვეტილება "გაბრაზებული" პირის პოზიციად შეაფასა და აღნიშნა, რომ "არნაირი გაბრაზება არ ჰქონია".
"მე დავამთავრე ფილოსოფია-ფსიქოლოგიის ფაკულტეტი. პროფესიით ვარ ფსიქოლოგი და ფილოსოფოსი, მაგრამ ოდესმე გაგიგიათ ჩემგან, რომ რომელიმე ადამიანის ფსიქოლოგიური ანალიზი გავაკეთო ისეთი სიღრმით, როგორსაც ჩვენ ხშირად ვხედავთ ხოლმე ჩემთან მიმართებაში?! ჩემი პიროვნების ამდენი ახსნა, რა თქმა უნდა, საინტერესოა, მაგრამ შემიძლია გითხრათ შემდეგი – გაბრაზებული ვიზე ვარ, იქნებ ისიც მიმითითოთ?! – ამ შემთხვევაში ბიძინა ივანიშვილი რა შუაშია, ცოტა ძნელი დასაკავშირებელია. რა თქმა უნდა, ვარ ემოციური, მაგრამ დღეს არანაირი გაბრაზება არ მქონია. მართლა მქონდა სურვილი, რომ პროცესი გადასულიყო ჯანსაღ, მშვიდ კალაპოტში, რათა მივიღოთ სტაბილური მთავრობა, რომლის დაკომპლექტებაშიც აქტიურად იქნებიან ჩართული დეპუტატები. რამდენიც არ უნდა ვილაპარაკოთ, რომ ჩემმა განცხადებამ კატასტროფა გამოიწვია, ვერავინ მიმითითებს რაიმე კატასტროფაზე", - განაცხადა მარგველაშვილმა და შეკითხვაზე, უცდია თუ არა ბიძინა ივანიშვილის ფსიქოანალიზი, აღნიშნა, რომ "არასდროს".
