ეკონომიკის მინისტრის , გიორგი კვირიკაშვილის განცხადებას საქართველოს რკინიგზის 25 % პაკეტის შესაძლო საპრივატიზაციო ნუსხაში მოხვედრასთან დაკავშრებით "ნაციონალური მოძრაობაში" აფასებენ და აცხადებენ, რომ სახელმწიფო საკუთრებაში არსებული აქტივების პრივატიზაცია სწორია, თუმცა მნიშვნელოვანია, არ მოხდეს რკინიგზა მთლიანად ჩავარდეს რუსეთის ხელში.
"სახელმწიფო საკუთრებაში არსებული აქტივების პრივატიზაცია არის სწორი, თუმცა ამ შემთხვევაში მნიშვნელოვანია, რომ არ მოხდეს რკინიგზის ხელში ჩავარდეს მთლიანად კონტროლის რუსეთის ხელში. რუსეთს აქვს ღიად გაცხადებული, დეკლარირებული მიზანი, რომ ის აკონტროლებდეს სამხრეთ კავკასიაში სარკინიგზო ქსელს ამიტომ მნიშვნელოვანია , ოკუპანტ სახელმწიფოს ეს არ ჩაუვარდეს ხელში, იმიტომ, რომ ეს შეიძლება იყოს გამოყენებული საქართველოს ეროვნული ინტერესების საწინააღმდეგოდ ", -განაცხადა ზურაბ ჯაფარიძემ
