აშშ-ში უზბეკეთისა და ყაზახეთის სამი მოქალაქე დააკავეს, მათ ბრალად ე.წ "ისლამურ სახელმწიფოს" დახმარება ედებათ.
"ბიბისის" ცნობით, ერთი ყაზახი და ერთი უზბეკი ნიუ-იორკში დააკავეს. სამართალდამცველთა ინფორმაციით, ისინი სირიაში გეგმავდნენ გამგზავრებას. უზბეკეთის კიდევ ერთი მოქალაქე კი ფლორიდის შტატში აიყვანეს, რომელიც პოლიციის ვარაუდით, დანარჩენ ორს სირიაში გამგზავრებაში ეხმარებოდა. სამივე მათგანი უკვე წლებია ნიუ-იორკში ცხოვრობდნენ.
