"ნაციონალური მოძრაობის" წევრების უკრაინის ოფიციალურ ამპლუაში გამოჩენამ შეიძლება, არა მხოლოდ უკრაინისთვის, არამედ გარე სამყაროსთვისაც პრობლემები შექმნას, - ამის შესახებ "ამერიკის ხმის" ქართულ სამსახურთან საუბარში საქართველოში ამერიკის შეერთებული შტატების ყოფილი ელჩი კენეტ იალოვიცი აცხადებს.
ამასთან, იალოვიცი ამბობს, რომ კიევმა საკუთარი საქმე თვითონ უნდა გააკეთოს.
"უკრაინა ცდილობს, რეფორმის პროცესის განმავლობაში დასავლეთში ნდობა მოიპოვოს. აქედან გამომდინარე, მე პრობლემა არ მექნებოდა, ეს ადამიანები მრჩევლებად რომ მიეწვიათ. "ნაციონალური მოძრაობის" წევრების უკრაინის ოფიციალურ ამპლუაში გამოჩენამ შეიძლება არა მხოლოდ უკრაინისთვის, არამედ გარე სამყაროსთვისაც პრობლემები შექმნას... ჩემი აზრით, კიევს არ სჭირდება საქართველოს შიდა პოლიტიკის უკრაინაში შეტანა. მათ საკუთარი საქმე თვითონ უნდა გააკეთონ. გარედან მიღებულ დახმარებას მხოლოდ მრჩევლების ფორმა უნდა ჰქონდეს", - აღნიშნავს ამერიკელი დიპლომატი.