აღმოსავლეთ უკრაინაში კონფლიქტის შედეგად დაღუპულთა რიცხვმა 5 800-ს მიაღწია. ამის შესახებ "უნიანის" ცნობით, ჰუმანიტარულ საკითხებში გაერო-ს კოორდინატორი იტყობინება.
ორგანიზაციის მონაცემებით, 2014 წლის აპრილიდან დღემდე დაიღუპა 63 მცირეწლოვანი. რაც შეეხება დაშავებულებს, მათი საერთო რიცხვი 14,5 ათასს აღწევს, მათგან 169 ბავშვია. ამას გარდა, მიმდინარე შეიარაღებული დაპირისპირების გამო, საკუთარი საცხოვრებელი სახლი უკვე მილიონზე მეტმა უკრაინელმა დატოვა და იძულებით გადაადგილებულ პირად იქცა.
