ამერიკის შეერთებული შტატების სახელმწიფო მდივნის თანაშემწე ვიქტორია ნულანდი "ნაციონალური მოძრაობის" წარმომადგენლებს ხვდება.
როგორც შეხვედრის დაწყებამდე ჟურნალისტებს საპარლამენტო უმცირესობის წევრმა ზურაბ ჯაფარიძემ განუცხადა, შეხვედრაზე საუბარი შეეხება ქვეყნის შიგნით არსებულ მოვლენებს, როგორც დემოკრატიასთან დაკავშირებულ საკითხებს, ასევე ეკონომიკის მიმართულებით შექმნილ მდგომარეობას.
"ყველა იმ საკითხზე იქნება საუბარი, რომელზეც საჯაროდ ვმსჯელობთ. მათ შორის იქნება პოლიტიკური დევნის საკითხი, შერჩევითი სამართალი და სხვ.", - აღნიშნა ზურაბ ჯაფარიძემ.
"ნაციონალური მოძრაობის" საგარეო ურთიერთობათა მდივანმა, გიგა ბოკერიამ თავის მხრივ განაცხადა, რომ ვიქტორია ნულანდი კარგად იცნობს საქართველოს და მთერ რეგიონს. მისი თქმით, იგი გამოცდილი დიპლომატია და მასთან ყველა იმ საკითხზე იქნება საუბარი, რომელიც საქართველოს და რეგიონის წინაშე დგას. "გვექნება საუბარი თემებზე, დაწყებული უსაფრთხოების საკითხებიდან, გაგრძელებული ქვეყნის შიგნით მიმდინარე პროცესებით, რომელიც ასევე უსაფრთხოებას უკავშირდება", - განაცხადა გიგა ბოკერიამ.
