საქართველოს პარლამენტის თავმჯდომარე დავით უსუფაშვილმა "ლიტვის თავისუფლების დამცველთა" დღისადმი მიძღვნილ ღონისძიებაში მიიღო მონაწილეობა.
როგორც დავით უსუფაშვილმა აღნიშნა, ლიტველმა ხალხმა 1991 წლის 13 იანვარს საკუთარ თავზე იწვნია ის, რაც 2 წლით ადრე, 1989 წლის 9 აპრილს საქართველომ.
"ლიტველი ხალხი აღმოჩნდა ბოროტების იმპერიის მსხვერპლი. იმ დღიდან მოყოლებული ჩვენ, ქართველები და ლიტველები ერთად ვიხსენებთ ტრაგიკულ მოვლებეს - 9 აპრილს, 13 იანვარს, როდესაც ორივე ხალხმა მივიღეთ მსხვერპლი იმისთვის, რომ ჩვენი ხალხები საბჭოთა კავშირში შემავალი სხვა ერებიც და კიდევ ძალიან ბევრი ხალხი მსოფლიოში ზიარებოდა თავისუფლებას. დღევანდელი დღე ერთობის დღე, დროშისადმი პატივისცემის ცერემონილია, ეს არის სიმბოლური. მოხარული ვარ, რომ ლიტვის საელჩომ სწორედ ასე გადაწყვიტა დღევანდელი დღის აღნიშვნა. კიდევ ერთხელ ვუცხადებთ სოლიდარობას ლიტველებს, ჩვენს ძმებს ჩვენს მეგობრებს თავისუფლებისთვის ბრძოლაში. ასეთ დღეებში ჩვენ ყველაზე კარგად უნდა გავიაზროთ ის, რომ ქართველები არ ვართ მხოლოდ 5 მილიონი, ასეთ დღეებში უნდა მივათვალოთ საკუთარ თავს 2 მილიონი ლიტველი, 2 მილიონი ესტონელი, 3 მილიონი ლატვიელი და ასე შემდეგ. ჩვენ ძალიან ბევრი ვართ, ის ხალხი, რომლებიც ერთად ვიბრძვით თავისუფლებისა და დამოუკიდებლობისათვის", - განაცხადა დავით უსუფაშვილმა.
ღონისძიებაზე სიტყვით გამოვიდა საქართველოს პრეზიდენტი, რომელმაც ლიტველი და ქართველი ხალხის მეგობრობაზე ისაუბრა.
რიყის პარკში ლიტვის სახელმწიფოს 200-მეტრიანი დროშა გაშალეს, შესრულდა ლიტვის ჰიმნი.
