ევროსაბჭოს საპარლამენტო დელეგაციის ძირითად შემადგენლობაში "ერთიანი ნაციონალური მოძრაობა" მხოლოდ დავით ბაქრაძით იქნება წარმოდგენილი.
ოპოზიციისათვის განკუთვნილი მეორე კვოტას "თავისუფალი დემოკრატი" ირაკლი ჩიქოვანი იკავებს, რომელიც აღნიშნულ დელეგაციაში აქამდეც იყო, თუმცა უმრავლესობაში შემავალი ფრაქციებისათვის განკუთვნილი კვოტით.
დელეგაციის ძირითადი შემადგენლობიდან სათადარიგო შემადგენლობაში გადაინაცვლა დეპუტატმა ჩიორა თაქთაქიშვილმა. "ნაციონალურ მოძრაობას" ევროსაბჭოს დელეგაციის სათადარიგო შემადგენლობაში აღარ ეყოლება თინა ბოკუჩავა და იქნებიან ჩიორა თაქთაქიშვილი და გიორგი კანდელაკი. სამაგაეროდ, სათადარიგო შემადგენლობაში არ იქნება "თავისუფალი დემოკრატების" არც ერთი წევრი.
სიახლეა ისიც, რომ დელეგაციის სათადარო შემადგენლობიდან ძირითად შემადგენლობაში შევიდა დეპუტატი თინა ხიდაშელი.
საპროცედრო საკითხთა კომიტეტის თავმჯდომარის გიორგი კახიანის ცნობით, ევროსაბჭოს საპარლამენტო დელეგაციის ძირითად შემადგენლობაში იქნებიან: თედო ჯაფარიძე, ზვიად კვაჭანტირაძე, თინა ხიდაშელი, დავით ბაქრაძე და ირაკლი ჩიქოვანი. სათადარიგო შემადგენლობაში არიან: ლევან ბერძენიშვილი, ეკა ბესელია, გუგული მაღრაძე, ჩიორა თაქთაქიშვილი და გიორგი კანდელაკი.
