სვეტიცხოვლის საკათედრო ტაძარში წმინდა სპირიდონ ტრიმიფუნტელის ხსენების დღეს საღმრთო ლიტურგია სრულდება. ტაძარში ამ წუთებში სრულიად საქართველოს კათოლიკოს-პატრიარქი მივიდა, რომლის აღსაყდრების 37 წლის იუბილესთან დაკავშირებითაც ტაძარში წმინდა სინოდის წევრები იმყოფებიან.
ტაძარი სადღესასწაულოდ არის მორთული, მათ შორის - პატრიარქის ტახტიც.
დაახლოებით 12:00 საათისთვის სვეტიცხოვლის საკათედრო ტაძარში პრემიერ-მინისტრ ირაკლი ღარიბაშვილს და მთავრობის სხვა წევრებს ელოდებიან.
მსახურების დასრულების შემდეგ, უწმინდესი მრევლს ტრადიციული ქადაგებით მიმართავს.
