საქართველოს სასჯელაღსრულების სამინისტროს თანამშრომლებს ღრმა დეკოლტითა და დახეული შარვლით სამსახურში სიარული ეკრძალებათ.
აკრძალვების შესახებ ბრძანება სასჯელაღსრულების მინისტრმა გიორგი მღებრიშვილმა 22 დეკემბერს გამოსცა.
"მოსამსახურეს ეკრძალება სამსახურში გამოცხადდეს დახეული ან/და ღია ფერის შარვლით, ზომაზე მეტად მოკლე (მინიმალური სიგრძე 3-4 სანტიმეტრი მუხლის თავიდან) ქვედაბოლოთი ან/და კაბით, მკვეთრი ფერის სამოსით, ღრმა დეკოლტირებული ან/და გამჭვირვალე პერანგით, ღია ფერის სპორტული ფეხსაცმლითა და წვრილი ზონარის მქონე მკლავის კოფთით", - აღნიშნულია მინისტრის ბრძანებაში, რომელიც გამოქვეყნებისთანავე ამოქმედდა.
