დაჯგუფება "ისლამური სახელმწიფოს" რადიკალებმა 150 ერაყელი ქალი მოკლეს იმის გამო, რომ მათ უარი განაცხადეს "ბოევიკებთან" შესულიყვნენ ინტიმურ ურთიერთობაში. ამის შესახებ ქვეყნის ადამიანის უფლებათა დაცვის სამინისტრო იუწყება.
მკვლელობა ქალაქ ელ-ფალუჯაში მოხდა, რომელსაც ისლამისტები აკონტროლებენ. ყველა მოკლული ქალაქგარეთ მასობრივ სამარხში დაკრძალეს.
ამასთან, ვრცელდება ინფორმაცია, რომ "ბოევიკებმა" ადგილობრივი მეჩეთი დიდ ციხედ გადააკეთეს, სადაც ის ადამიანები ჰყავთ დამწყვდეული, რომლებიც მათ ქმედებებს არ ეთანხმებიან.
