ვეცდები, დავბრუნდე ჯანმრთელად და დამხვდით ჯანმრთელები, ნახვამდის, - ამ სიტყვებით საქართველოს პარლამენტის თავმჯდომარე დავით უსუფაშვილი კოლეგებს რამდენიმე დღით დაემშვიდობა.
როგორც უსუფაშვილმა ბიუროს წევრებს აცნობა, დღეიდან პარლამენტის მუშაობას პარლამენტის პირველი ვიცე-სპიკერი მანანა კობახიძე გაუძღვება და თავად კი საპარლამენტო საქმიანობას მომავალი კვირის ბოლოს დაუბრუნდება.
როგორც "ინტერპრესნიუსმა" გაარკვია, პარლამენტის თავმჯდომარე სამედიცინო გამოკვლევების ჩატარების მიზნით რამდენიმე დღით ლიტვაში მიემგზავრება.
