საქართველოს პრემიერ-მინისტრი ირაკლი ღარიბაშვილი მადლობას უხდის ევროკავშირის იმ წევრ-ქვეყნებს, რომელთაც საქართველოსა და ევროკავშირს შორის ასოცირების შეთანხმების რატიფიცირება მოახდინეს.
"მადლობა ევროკავშირის ქვეყნებს - რუმინეთს, ლიტვას, ლატვიას, სლოვაკეთს, მალტას, ბულგარეთს, ესტონეთს, უნგრეთსა და შვედეთს, რომელთაც საქართველოსა და ევროკავშირს შორის ასოცირების შეთანხმების რატიფიცირება მოახდინეს", - ნათქვამია საქართველოს პრემიერის "ტვიტერზე" გავრცელებულ განცხადებაში.
საქართველომ ევროკავშირთან ასოცირების შეთანხმებას 27 ივნისს მოაწერა ხელი. საქართველოს პარლამენტმა ევროკავშირთან ასოცირების შეთანხმების რატიფიცირება 18 ივლისს მოახდინა.
