ორი დღის განმავლობაში მთელ საქართველოში იწვიმებს. როგორც "ინტერპრესნიუსს" გარემოს ეროვნული სააგენტოს ჰიდრომეტეოროლოგიური სამსახურის უფროსმა სვეტლანა ნიორაძემ განუცხადა, ამაღამ მთელ საქართველოში ცივი ჰაერის მასების გავრცელება მოიმატებს და იწვიმებს როგორც დასავლეთ, ისე აღმოსავლეთ საქართველოში, მაღალ მთაში მოსალოდნელია თოვა. მისივე თქმით, 2 ნოემბრიდან მთელ საქართველოში ქარი გაძლიერდება, მათ შორის დედაქალაქშიც იქროლებს ქარი 15-20 მ/წმ. ასეთი ამინდი შენარჩუნდება 3 ნოემბრამდე.
3 ნოემბრის ღამით აღმოსავლეთ საქართველოს ბარში მოსალოდნელია ტემპერატურის -1 გრადუსამდე დაცემა.
