ექიმებმა მე-5 სართულიდან გადავარდნილი ქალი გადაარჩინეს. "ინტერპრესნიუსის" ინფორმაციით, ვაკე-საბურთალოს რაიონში, მე-5 სართულიდან 44 წლის ქალბატონი გადავარდა, რომელიც სასწრაფო-სამედიცინო დახმარების ბრიგადამ რესპუბლიკურ საავადმყოფოში გადაიყვანა.
პაციენტს აორტოპლასტიკის უნიკალური ოპერაცია ჩაუტარდა და მისი გადარჩენა მოხერხდა. ასევე, გაუკეთდა ოპერაციები ორივე წვივზე და ძვლების აღდგენაც მოხერხდა.
პაციენტს დაზიანებული აქვს ხერხემლის მალები და მას 10-საათიანი ურთულესი ოპერაცია ხვალ ჩაუტარდება.
