უშიშროების საბჭოს მდივანი ირინა იმერლიშვილი თვლის, რომ თავდაცვის უწყების მიმართულებით ფინანსების მატება საჭიროა დაგეგმილი რეფორმების განხორციელების მიზნით. იმერლიშვილი იმედს გამოთქვამს, რომ თავდაცვის სამინისტროს ბიუჯეტი მომავალი წლისათვის გაიზრდება და საბიუჯეტო პროექტის დამტკიცებამდე ფინანსურ დოკუმენტში სათანადო ცვლილებები აისახება.
"იმედი მაქვს, რომ თავდაცვის სამინისტროს ბიუჯეტი ცოტათი მაინც იქნება გაზრდილი. იმ ვალდებულებების შესასრულებლად, რომელიც ჩვენ ავიღეთ თუნდაც ნატო-ს პაკეტის შესასრულებლად, აუცილებელია თავდაცვის ბიუჯეტი იყოს გაზრდილი. ჩვენ გვაქვს აღებული ერთობლივი საწვრთნელი ბაზების გაკეთების ვალდებულება. ასევე არის უამრავი პოზიტიური გადაწყვეტილება, რომელიც მიიღეს უელსის ნატო-ს სამიტზე. ჩვენს თავსებადობას ნატო-ს სტანდარტებთან, რა თქმა უნდა, სჭირდება ხარჯები ბიუჯეტიდან", - განუცხადა ჟურნალისტებს ირინა იმერლიშვილმა.
პარლამენტში წარდგენილი პროექტის თანახმად, თავდაცვის სამინისტროს დაფინანსება კვლავ 625 მილიონი ლარის ფარგლებში რჩება.
![საქართველოს პრეზიდენტი მიხეილ ყაველაშვილი [პირველ რიგში] მსოფლიოს ლიდერებთან ერთად რომის პაპის დაკრძალვას ესწრება (ვიდეო)](https://for.ge/uploads/images/thumbs/1745658091_300052.jpg)
