საქართველოში ჩატარებული შემოწმება საერთო ჯამში დამაკმაყოფილებელია, თუმცა აღმოჩენილი ხარვეზების გამო ყველა საწარმოს არ მიეცემა რუსულ ბაზარზე შემოსვლის უფლება. განაცხადა "როსპოტრებნადზორის" ხელმძღვანელმა გენადი ონიშენკომ.
მისივე თქმით, საქართველოდან რუსეთის ბაზრაზე შესული პროდუქციის კონტროლი ახალ საფეხურზე გადადის.
"საქართველოს ტერიტორიაზე აშშ-ის სამხედრო-საზღვაო ძალების მიკრობიოლოგიური ლაბორატორიის ფუნქციონირება და მისი გაურკვეველი მიზნები სერიოზულად აფერხებს საქართველოსთან, როგორც პარტნიორთან ნდობის დამყარებას", - განაცხადა რუსეთის მთავარმა სანიტარმა.
რუსეთის სანიტარული სამსახურის ექსპერტები საქართველოში შემოწმების მიზნით წინა კვირას იმყოფებოდნენ. ვიზიტის ფარგლებში მათ 30-მდე ქართული კომპანია შეამოწმეს.
