საქართველოს მთავრობის კანცელარიის უფროსი საჯარო ინფორმაციის გაცემის კუთხით პრობლემების არსებობას უარყოფს.
როგორც მაია ცქიტიშვილმა ჟურნალისტებს განუცხადა, ახალი მთავრობის პირობებში, საჯარო ინფორმაციის მოთხოვნა და გაცემული პასუხების რაოდენობა გაიზარდა.
"მხოლოდ 7 უარი გვაქვს ნათქვამი და იმის გამო, რომ აღნიშნული ინფორმაცია კანცელარიაში არ იყო დაცული. სხვა მხრივ, ყველა განაცხადს პასუხს ვცემთ კანონით დადგენილ ვადაში", _ განაცხადა ცქიტიშვილმა.
ინფორმაციის თავისუფლების განვითარების ინსტიტუტის (IDFI)-ის კვლევის თანახმად, საჯარო დაწესებულებებს შორის, რომლებსაც საჯარო ინფორმაციის გაცემის კუთხით შედარებით ცუდი შედეგები აქვთ, მთავრობის კანცელარიაც დასახელდა.