ქუთაისის მერის თანამდებობა ვაკანტური გახდა. მოქმედმა მერმა დიმიტრი კოპალიანმა, რომელიც შვებულებიდან დღეს გამოვიდა, თანამდებობიდან წასვლის შესახებ განცხადება დაწერა.
აღნიშნული ფაქტი ერთ-ერთმა ვიცე-მერმა თენგიზ თოფურიძემ დაუდასტურა.
„მერმა მელაპარაკა დღეს და მითხრა, რომ განცხადება დაწერა. მეტი არაფერი ვიცი," - ამბობს თოფურიძე.
შეგახსენებთ, რომ დიმიტრი კოპალიანი თანამდებობაზე მიმდინარე წლის 5 ივნისს დაინიშნა. მერის მოვალეობას ვიცე-მერი კოტე ლომიძე ასრულებს.