ცენტრალური საარჩევნო კომისიის ყოფილი თავმჯდომარე ზურაბ ხარატიშვილი საპრეზიდენტო არჩევნებში ერთვება.
თითქმის ერთთვიანი კონსულტაციების შემდეგ ხარატიშვილი პრეზიდენტობის კანდიდატად დღეს კვალიფიციურმა პარტიამ "ეროვნულმა დემოკრატებმა" ედპ-ის მხარდაჭერით წარადგინა.
"გადავწყვიტე, რომ ჩემი ცოდნა და გამოცდილება მივმართო სამოქალაქო ურთიერთობის აღდგენისა და საზოგადოების კონსოლიდაციისკენ, რათა ჩვენი ეროვნული ენერგია მთლიანად მოვახმაროთ ქვეყნის შენებასა და კეთლდღეობას", - განაცხადა ხარატიშვილმა.
პრეზიდენტობის კანდიდატად დარეგისტრირებასთან დაკავშირებით ოფიციალური განაცხადით ხარატიშვილი ცსკ-ს ხვალ მიმართავს.
რაც შეეხება ახალი პოლიტიკური ცენტრის ჩამოყალიბებას, ამ საკითხზე კონსულტაციები ისევ გრძელდება.