ექსპერტ მამუკა არეშიძის განცხადებით, საქართველოში ეროვნული დაპირისპირების ფონი არსებობს.
ამის შესახებ არეშიძემ "პრაიტაიმის" პრესკლუბში გამართულ პრესკონფერენციაზე პანკისის ხეობაში მიმდინარე პროცესების შეფასებისას აღნიშნა.
"ბევრი რამ საქართველოში ხელოვნურად ხდება, ვფიქრობ, ხელოვნურად მოხდა პანკისის ხეობაშიც სიტუაციის დაძაბვა. მინდა, ვირწმუნო, რომ ეს კონფლიქტი იყო საყოფაცხოვრებო ნიადაგზე წარმოქმნილი. თუმცა, შეიძლება, ამან საფუძველი რელიგიურ კონფლიქტსაც ჩაუყაროს. საქართველოში ეროვნული დაპირისპირების სუნი დგას. მინდა, გავახსენო ყველას, რომ ჩვენ წაგვიგია ასეთი ბრძოლები და შესაძლოა, კიდევ ერთხელ დავმარცხდეთ, ამიტომ, საჭიროა, არა ძალისმიერი მეთოდებით მოქმედება, არამედ, გამოცდილი ხალხის მიერ პრობლემის მოგვარება", - განაცხადა არეშიძემ.
