თბილისში ვაკის რაიონის გამგეობა გაქურდეს. როგორც "ინტერპრესნიუსს" ვაკის გამგებელმა, ბაჩო დოლიძემ განუცხადა, დღეს დილით მისულ თანამშრომლებს გამგეობის შენობის კარი გატეხილი დახვდათ.
შემთხვევის ადგილზე ამ დროისათვის საგამოძიებო სამსახურის თანამშრომლები მუშაობენ, რის შემდეგაც გაირკვევა მძარცველებმა კონკრეტულად რისი წაღება შეძლეს.
ბაჩო დოლიძის ინფორმაციით, სავარაუდოდ წაღებულია სხვადასხვა ნივთები, მათ შორის - საოფისე კომპიუტერული ტექნიკაც.
