საქართველოს ხელისუფლებამ "სააკაშვილის ვერტმფრენების" გაყიდვა გადაწყვიტა.
გავრცელებული ინფორმაციით, საქართველოს ხელისუფლებამ გადაწყვიტა, გაყიდოს ორი ახალი ვერტმფრენი, რომელიც ადრე პრეზიდენტ მიხეილ სააკაშვილისთვის იყო შეძენილი.
საუბარია VIP-კლასის ვერტმფრენებზე, რომელიც წინა ხელისუფლებამ საზღვარგარეთ შეიძინა, თუმცა პრეზიდენტმა სააკაშვილმა მათი გამოყენება ვერ მოასწო.
ვერტმფრენების გაყიდვა "Avinco"-ს შუამავლობით განხორციელდება. საქართველოს ეკონომიკის სამინისტროს ინფორმაციით, მყიდველი უკვე არსებობს, თუმცა რა ფასად იგეგმება ვერტმფრენების გაყიდვა, არ კონკრეტდება.
