საქართველოს პარლამენტის თავმჯდომარე დავით უსუფაშვილი კვირის ბოლოს ამერიკის შეერთებულ შტატებში გაემგზავრება.
ამ დროისთვის არსებული ინფორმაციით, პარლამენტის თავმჯდომარის აშშ-ში, კერძოდ ვაშინგტონში ვიზიტი 10-16 მარტს შედგება. შეხვედრების კონკრეტული გრაფიკი ჯერ დაზუსტებული არ არის.
აღსანიშნავია, რომ ეს პარლამენტის თავმჯდომარის რანგში უსუფაშვილის ამერიკის შეერთებულ შტატებში პირველი ვიზიტი იქნება.
