შინაგან საქმეთა მინისტრი ირაკლი ღარიბაშვილი პოლიციის აკადემიაში იუნკერთა ხსოვნისადმი მიძღვნილ ღონისძიებას დაესწრება. აკადემიის ინფორმაციით, ღონისძიებაზე 1921 წელს საქართველოში განვითარებულ მოვლენებთან დაკავშირებით, ფოტოდოკუმენტური მასალა გამოიფინება.
ასევე წარმოდგენილი იქნება შსს-ს არქივის დოკუმენტებზე დაყრდნობით მომზადებული დოკუმენტური ფილმი "1921“, რომელშიც XX საუკუნის 1920-იანი წლების საქართველო და გასაბჭოების პერიოდია ასახული.
ფილმში ასევე ნაჩვენებია იუნკერების თავდადებული ბრძოლა საქართველოს დამოუკიდებლობისათვის.
აღსანიშნავია, რომ მინისტრთან ერთად ღონისძიებას შსს-ს არქივის დირექტორი, პოლიციის აკადემიის რექტორი, არქივისა და აკადემიის წარმომადგენლები და იუნკერების შთამომავლები დაესწრებიან.
