გიორგი ვაშაძე პოლიციას დღევანდელ აქციაზე წესრიგის დაცვისკენ მოუწოდებს

გიორგი ვაშაძე პოლიციას დღევანდელ აქციაზე წესრიგის დაცვისკენ მოუწოდებს

საპარლამენტო უმცირესობის წევრი გიორგი ვაშაძე პოლიციას დღევანდელ აქციაზე წესრიგის დაცვისკენ მოუწოდებს, რათა პროვოკაციები თავიდან იყოს აცილებული. "ნაციონალური მოძრაობა" მხარდამჭერებთან ერთად, დღეს, 14:00 საათზე, ფინანსთა სამინისტროს საგამოძიებო სამსახურის შენობასთან საპროტესტო აქციას გამართავს, - ამის შესახებ დღეს ჟურნალისტებთან შეხვედრისას საპარლამენტო უმცირესობის ერთ-ერთმა წევრმა გიორგი ვაშაძემ განაცხადა.

მისი თქმით ხელისუფლების მხრიდან ხდება ხალხის დაშინება და "ნაციონალებზე ზეწოლა.

"ხალხმა პოლიციის იმედი დაკარგა, ეს ხელისუფლება კი, სიძულვილის ენით ესაუბრება", - აცხადებს ვაშაძე.

მისი განცხადებით, ასევე თბილისის საკრებულოს წევრებზე ხდება პოლიტიკური ზეწოლა და მათ აბსურდული ბრალდებებით იბარებენ პროკურატურაში.

"შეწყდეს შტურმი "ნაციონალების" მიმართ", - აცხადებს ვაშაძე.