ფრაქცია "ნაციონალური მოძრაობის" წევრმა, საბურთალოს მაჟორიტარმა ზაზა სინაურიძემ თბილისის საკრებულო დატოვა. ამის შესახებ "ინტერპრესნიუსს" საკრებულოს ფრაქცია "ქართული ოცნება - თბილისის" თავმჯდომარე გიორგი მუსხელიშვილმა განუცხადა.
მისივე თქით, საკრებულოს დატოვების შესახებ ზაზა სინაურიძემ განცხადება 4 თებერვალს დაწერა. უფრო ადრე კი, დაახლოებით ერთი თვის წინ საკრებულო დატოვა ჩუღურეთის რაიონის მაჟორიტარმა კანდიდატმა "ერთიანი ნაციონალური მოძრაობიდან" ალექსანდრე ნიკოლაიშვილმა.
შესაბამისად, დღევანდელი მდგომარეობით თბილისის საკრებულოში 47 დეპუტატია. მათგან 17 - უმცერესობაში. უმრავლესობას კი ფრაქცია "ნაციონალური მოძრაობა" შეადგენს.
ამასთან, მუსხელიშვილმა საკრებულოში ახალი უმრავლესობის შექმნის შესაძლებლებლობაზეც ისაუბრა. მისი თაქმით, მოლაპარაკებები მიმდინარეობს ფრაქცია "ნაციონალური მოძრაობის" 10 დეპუტატთან.
"საკრებულოში ახალი უმრავლესობის შესაქმნელად კიდევ 7-8 წევრია საჭირო, ანუ საერთო ჯამში - 24 დეპუტატი. ჩემი გათვლებითა და მოლაპარაკებების მიხედვით, უახლოეს ორ კვირაში, 20 დღეში ეს პროცესი დასრულდება. ამ პროცესში აქტიურად არიან ჩართული ზაზა გაბუნია და ჯაბა სამუშიაც. ოპოზიციურ დეპუტატებში ერთიანი ფრონტი მუშაობს, რათა შეიქმნას უმრავლესობა", _ დასძინა გიორგი მუსხელიშვილმა.
"ქართული ოცნება _ თბილისის" თავმჯდომარემ თავი შეიკავა იმ დეპუტატების დასახელებისგან, რომლებთანაც მოლაპარაკებები მიმდინაორებს.
მისივე განცხადებით, ჯაბა სამუშიამ და ზაზა გასბუნიამ შესაძლოა, თავისი ფრაქცია შექმნან, დამოუკიდებელი ფრაქციის შექმნაში არავინ არ იქნება შეზღუდული.
