საქართველოს პრეზიდენტმა ცენტრალური საარჩევნო კომისიის წევრობის ვაკანტურ თანამდებობაზე პარლამენტს კვლავ ახალი კანდიდატურები წარუდგინა . კერძოდ, პრეზიდენტმა საკანონმდებლო ორგანოს ცსკ-ის წევრობის ერთ ვაკანტურ თანამდებობაზე ნინო კიკალიშვილისა და გია გარსევანიშვილის კანდიდატურები შესთავაზა.
ნინო კიკალიშვილი 2011-2012 წლებში მუშაობდა ამომრჩეველთა სიების დაზუსტების უზრუნველყოფის კომისიაში ადმინისტრაციული განყოფილების უფროსად. 2011 წლიდან კი არის ააიპ "დემოკრატიის ქსელის" გამგეობის თავმჯდომარე.
გია გარსევანიშვილი კი 2010 წლის 2 მარტიდან დღემდე არის აჭარის უმაღლესი საარჩევნო კომისიის თავმჯდომარის მოადგილე.
საქართველოს პრეზიდენტმა აღნიშნული ვაკანტური თანამდებობის დასაკავებლად პარლამენტს კანდიდატურები ორჯერ წარუდგინა, თუმცა, დეპუტატების უმრავლესობამ მხარი არც ერთ მათგანს არ დაუჭირა.
