საქართველოს პრეზიდენტმა მიხეილ სააკაშვილმა თავდაცვის სამინისტროში შეიარაღებული ძალების გაერთიანებული შტაბის ახალი უფროსი წარადგინა.
გაერთიანებული შტაბის უფროსად, პოლკოვნიკ ირაკლი ძნელაძის კანდიდატურის შერჩევა საქართველოს თავდაცვის მინისტრსა და პრეზიდენტს შორის კონსულტაციების შედეგად მოხდა.
პოლკოვნიკი ირაკლი ძნელაძე საქართველოს შეიარაღებულ ძალებში 20 წელია მსახურობს. ბოლო პერიოდში ის იყო საქართველოს თავდაცვის ატაშე უკრაინაში, მოდლოვასა და ბელორუსში. მანამდე მას საქართველოს შეიარაღებული ძალების გაერთიანებულ შტაბში სხვადასხვა თანამდებობები ეკავა.
საქართველოს შეიარაღებული ძალების გაერთიანებული შტაბის დებულების თანახმად, გაერთიანებული შტაბის უფროსს, საქართველოს თავდაცვის მინისტრის წარდგინებით, თანამდებობაზე საქართველოს პრეზიდენტი ნიშნავს.
