„ქართული ოცნების" ნაძალადევის რაიონის მაჟორიტარობის კანდიდატი, თეა წულუკიანი კოალიციის ახალგაზრდული ორგანიზაციის წარმომადგენლებთან ერთად „ნაციონალური მოძრაობის" მაჟორიტარობის კანდიდატ მერაბ სამადაშვილის სახლთან საპროტესტო აქციას მართავს.
აქციის მონაწილეების განცხადებით, სამადაშვილი წლებია ნაძალადევის რაიონის მაჟორიტარია, თუმცა რაიონისა და მოსახლეობისთვის იმდენი არაფერი გაუკეთებია, რასაც წინასაარჩევნოდ ჰპირდებოდა.
კოალიციის წევრებს აქვთ ტრანსპარანტები წარწერით: „მერაბ დაჯექი დებატებში"; „მერაბ მოძველდი"; „მერაბ ნუ გაურბიხარ ტელემედიას და დებატებს".
„მერაბ სამადაშვილი ტელედებატებზე კი არა, ციხეში უნდა იჯდეს“, - აცხადებენ ისინი.
