„აქციები ორგანიზებული იყო ოპოზიციური პარტიების მიერ“, – ასე შეაფასა „ლეიბორისტული პარტიის“ ლიდერმა შალვა ნათელაშვილმა, პარლამენტის წინ, გასულ კვირას მიმდინარე აქციები, რომლის ერთ-ერთი ორგანიზატორი ზაზა სარალიძე იყო.
„ეს აქციები ორგანიზებული იყო ოპოზიციური პარტიების მიერ. დაწყებიდან, დამუხტვიდან დაწყებული, შიდა იდეოლოგიური უზრუნველყოფა, გარე იდეოლოგიური უზრუნველყოფა და ორგანიზაციული მხარე, მოგვარებული იყო პოლიტიკური პარტიების მიერ. ჩვენ არ ვჩანდით ისე აქტიურად ტრიბუნაზე, გასაგები მიზეზების გამო, იმიტომ რომ საქმე მაინც ეხებოდა შვილმოკლულ მშობლებს და იქ ძალიან პოლიტიკური დროშებით წინ წამოწევა არ იქნებოდა სწორი“,- განაცხადა შალვა ნათელაშვილმა ტელეკომპანია „რუსთავი 2“-ის ეთერში, გადაცემა „კვირის აქცენტებში“ სტუმრობისას.
