ვფიქრობთ, შესაძლებელია, გარკვეული ნაბიჯების გადადგმა ამერიკის მხრიდან თუნდაც, განცხადებების დონეზე - პირველ რიგში და შემდეგ პრაქტიკული ნაბიჯებიც შესაძლებელი იქნება, - განაცხადა „ხალხის ძალის“ წევრმა, გურამ მაჭარაშვილმა „იმედის კვირასთან“ საუბრისას.

მან კომენტარი გააკეთა საქართველოს პრეზიდენტის მიერ აშშ-ის პრეზიდენტისთვის გაგზავნილ წერილზე.

„ჩვენი სტრატეგიული ურთიერთობა, რომელიც დაზიანდა და დაზიანდა სწორედ იმ პოლიტიკის გამო, რომელსაც შეეწინააღმდეგა პრეზიდენტი ტრამპი და რომლის პოლიტიკა ერთი-ერთში ემთხვევა ჩვენი, ქართული სახელმწიფოს პოლიტიკას - რატომ არ ხდება პრაქტიკული ნაბიჯების გადადგმა? ამ შემთხვევაში გასაგები შეიძლება, იყოს ამერიკის თუნდაც წლევანდელი ადმინისტრაციის მიდგომა, რომ სიფრთხილეს იჩენს, რადგან რეგიონში, მოგეხსენებათ, რთული ვითარება გვაქვს. მათ შორის, დიდი სახელმწიფოების ინტერესები არსებობს აქ და ასე შემდეგ, თუმცა ამ ფორმატშიც ვფიქრობთ, შესაძლებელია, გარკვეული ნაბიჯების გადადგმა ამერიკის მხრიდან, თუნდაც, განცხადებების დონეზე - პირველ რიგში და შემდეგ პრაქტიკული ნაბიჯებიც შესაძლებელი იქნება“, - აღნიშნა მაჭარაშვილმა.