საქართველოს პარლამენტის თავმჯდომარის მოადგილე, ნინო წილოსანი „დღის ქრონიკაში“ გამოეხმაურა გერმანიის ელჩ, პეტერ ფიშერის მიერ „ლელო ძლიერი საქართველოს“ ლიდერ, მამუკა ხაზარაძის ოჯახისგან სახლის დაქირავების ფაქტს.

„მინიმუმ არაეთიკურია, რომ ელჩი, რომელიც გამოირჩევა თავისი კრიტიკული პოზიციით, გამოირჩევა ანტიქართული ოცნების დამოკიდებულებით, გამორჩეულად მხარს უჭერს ხაზარაძეს და მის პოლიტიკურ გუნდს, ემსახურება ამ გუნდისა და ამ რადიკალური ოპოზიციური პარტიების მიზნებს, როგორღაც აღმოჩნდა, რომ მათივე სახლში ცხოვრობს.

აქ ყველაზე საინტერესო ის არის, რომ ამ ყველაფრის კვალის არევის მიზნით სახლი და კერძო საკუთრება, რომელიც მამუკა ხაზარაძის სახელზე იყო რეგისტრირებული, მხოლოდ იმიტომ, რომ მისი სახელი აღარ ფიგურირებდეს. მან მის მეუღლეს აჩუქა და ეს ყველაფერი ასე შეფუთეს.

ვფიქრობ, საერთაშორისო გამჭვირვალობა, რეალურად რომ მუშაობდეს და მართლა აინტერესებდეს რაც ინტერესთა კონფლიქტს უკავშირდება, ამ ფაქტს აუცილებლად შეისწავლიდა.

ფაქტი გასაჯაროვდა და თუ ამ ყველაფერში კონკრეტული დანაშაულის ნიშნებია, სამართალდამცავებს აქვს ყველა შესაბამისი ინფორმაცია, თუმცა, გარდა დანაშაულის ნიშნებისა, რა თქმა უნდა კარგად გვაჩვენებს რა შეიძლება იყოს იმ კეთილგანწყობის მიზეზი, რომელიც სამწუხაროდ ამ დიპლომატს აქვს „ლელოსა“ და მის პოზიციებთან მიმართებაში“, - აღნიშნა ნინო წილოსანმა