ვალუტის კურსი ყოველდღიური რეალობის ნაწილია, განსაკუთრებით მაშინ, როცა პროდუქტებს ან მომსახურებებს საზღვარგარეთიდან ყიდულობ, უცხოურ ვალუტაში შენახული თანხა გაქვს, ან უბრალოდ დაინტერესებული ხარ სხვადასხვა ფინანსური პროცესებით.

საბედნიეროდ, დღეს უკვე მარტივია თვალის მიდევნება იმაზე, თუ როგორ იცვლება კურსი. მაგალითად, მიკრობანკი MBC-ის ვალუტის კურსით შეგიძლია გადაამოწმო ნებისმიერ დროს, ონლაინ, სწრაფად და მარტივად. მაგრამ როგორ დგინდება ეს კურსი? ამ სტატიიდან გაიგებ.

რა არის ვალუტის კურსი?

ვალუტის კურსი აჩვენებს თუ რამდენი ერთეული უცხოური ვალუტის ყიდვა შეგიძლია ეროვნული ვალუტით. მაგალითად, რამდენი ლარია საჭირო 1 დოლარის შესაძენად. კურსის ცვლილებები პირდაპირ ზემოქმედებს იმაზე, რამდენს გადაიხდი იმპორტირებულ საქონელში, რა დაგიჯდება საზღვარგარეთ მოგზაურობა ან როგორ განახორციელებ შენს ფინანსურ გეგმებს.

ვალუტის კურსი შეიძლება დადგინდეს რამდენიმე გზით:

1. მოთხოვნა და მიწოდება

ყველაზე მნიშვნელოვანი ფაქტორია ბაზარზე მოთხოვნა და მიწოდება. თუ ლარზე მოთხოვნა იზრდება, მაგალითად, ბევრი ინვესტორი შემოდის ქვეყანაში და ლარს ყიდულობს - მისი კურსი მყარდება. თუ ბევრი იყიდის უცხოურ ვალუტას, მაგალითად, დოლარს - ლარი იაფდება.

2. ეროვნული ბანკის ჩარევა

საქართველოს ეროვნული ბანკი გარკვეულ დროს ჩარევით არეგულირებს კურსს. თუ ბაზარი ზედმეტად მერყევი ხდება, ბანკმა შეიძლება გაყიდოს ან იყიდოს უცხოური ვალუტა, რათა დააბალანსოს კურსის მკვეთრი ცვლილებები.

3. ეკონომიკური მაჩვენებლები

ქვეყნის ეკონომიკური მდგომარეობა - ინფლაცია, ეკონომიკური ზრდა, უმუშევრობის დონე - დიდ გავლენას ახდენს ვალუტის კურსზე. ძლიერი ეკონომიკა ზრდის ინვესტორთა ნდობას და ამით მოთხოვნას ეროვნული ვალუტის მიმართ.

4. პოლიტიკური სტაბილურობა

პოლიტიკური მოვლენები - არჩევნები, კონფლიქტები, კანონების ცვლილებები, ხშირად მყისიერად მოქმედებს ვალუტის კურსზე. არასტაბილური გარემო ინვესტორებისთვის საშიშია, ამიტომ მათ ვალუტის გაყიდვა და ქვეყნიდან გასვლა ურჩევნიათ.

კომერციული ბანკების კურსი

შეიძლება გაგიკვირდეს, მაგრამ ის კურსი, რომელსაც კომერციული ბანკები გვთავაზობენ განსხვავდება ეროვნული ბანკის კურსისგან. ბანკები ითვალისწინებენ საკუთარ რისკებს, ხარჯებსა და მოგების მარჟას, ამიტომ მათი გაყიდვისა და შესყიდვის კურსი ყოველთვის ცოტათი განსხვავებულია.

როგორ უნდა ადევნო თვალყური ვალუტის კურსს

თუ გინდა ყოველთვის ინფორმირებული იყო და სწორად დაგეგმო შენი ფინანსები, შეგიძლია ყოველდღიურად გადაამოწმო MBC-ის ვალუტის კურსი.

ეს პლატფორმა რეალურ დროში განახლებად ინფორმაციას გაწვდის და საშუალებას გაძლევს შეადარო სხვადასხვა ვალუტის კურსები სწრაფად და მარტივად.

ვალუტის კურსი არ არის უბრალოდ ციფრი, ის პირდაპირ მოქმედებს შენს ყოველდღიურ ცხოვრებაზე - შენს ხარჯებზე, დანაზოგზე და ზოგად, ეკონომიკურ გარემოზე.

მნიშვნელოვანია იცოდე როგორ და რატომ იცვლება ვალუტის კურსი და რაც მთავარია, ყოველთვის შეგიძლია თვალის მიდევნება MBC-ის კურსზე, რათა გადაწყვეტილებები ინფორმირებულად მიიღო.