ადვოკატმა ლევან მახარაშვილმა, რომელმაც დაკავებული გიორგი ბაჩიაშვილი რუსთავის პენიტენციარულ დაწესებულებაში მოინახულა, მედიასთან მისი დაცვის ქვეშ მყოფის დაკავების დეტალებზე არ ისაუბრა.
„ვისაუბრეთ დეტალურად, თუმცა მისი [ბაჩიაშვილის] სურვილია, რომ როდესაც ხვალ სასამართლო პროცესი შედგება, თავად გააკეთოს საჯარო განცხადება მომხდარ პროცესებთან დაკავშირებით. შესაბამისად, სამწუხაროდ მე დეტალებზე ვერ დაგელაპარაკებით“, - აღნიშნა ადვოკატმა.
