აშშ-ის სენატის შიდა უსაფრთხოების კომიტეტის საგამოძიებო ქვეკომიტეტის თავმჯდომარემ, რონ ჯონსონმა გამოცემა Axios-ს განუცხადა, რომ დაიწყო გამოძიება აშშ-ის ყოფილი პრეზიდენტის, ჯო ბაიდენის ჯანმრთელობის მდგომარეობის შესახებ, რომელსაც ცოტა ხნის წინ კიბო დაუდგინეს. გამოძიების მიზანია იმის გარკვევა, თუ ვინ მართავდა სინამდვილეში ქვეყანას მისი საპრეზიდენტო ვადის განმავლობაში.
აშშ-ის პრეზიდენტმა, დონალდ ტრამპმა მანამდე ბაიდენის გარემოცვა სახელმწიფო ღალატში დაადანაშაულა, რადგანაც, მისი თქმით, მათ იცოდნენ ბაიდენის ფიზიკური და ფსიქიკური ჯანმრთელობის პრობლემების შესახებ, მაგრამ ამას მალავდნენ.
„ეს უნდა გავაკეთოთ. ვგულისხმობ, ვინ მართავდა მთავრობას“, - განუცხადა რონ ჯონსონმა Axios-ს.
