აშშ-ის სახელმწიფო მდივანმა, მარკო რუბიომ საქართველოში განვითარებულ მოვლენებზე კონგრესმენ ჯო უილსონის მიერ დასმულ კითხვას უპასუხა.
ჯო უილსონი: ტრამპის ადმინისტრაციის მადლობელი ვარ მტკიცე პოზიციის გამო, რომელიც აქვს ანტიამერიკული „ქართული ოცნების“ მთავრობის მიმართ. მათ გააყალბეს არჩევნები საქართველოში. მათ გააძევეს ამერიკული კომპანიები, დაბლოკეს ვაჭრობა და წიაღისეულის ხელმისაწვდომობა შუა დერეფანში, მიჰყიდეს საქართველო ჩინეთის კომუნისტურ პარტიას. მათ არაერთხელ შეურაცხყვეს პრეზიდენტი ტრამპი და ამერიკის ხელმძღვანელობა. წარმოგიდგენთ რონდელის ფონდის ანგარიშს, რომელიც მიუთითებს ჩინეთის კომუნისტური პარტიის კონტროლზე საქართველოში. 200 დღეა, თავისუფლების მოყვარე ქართველები ყოველდღე გმირულად გამოდიან ქუჩაში, უჭირავთ ამერიკის დროშები, თან ატარებენ პრეზიდენტის ფოტოებს. თქვენი ხელმძღვანელობით, რა იქნება გაკეთებული, რათა სახელმწიფო დეპარტამენტმა ნამდვილი ფასი გადაახდევინოს ანტი-ამერიკულ „ქართულ ოცნებას“ ქართველი ხალხის სახელით?
მარკო რუბიო: აშშ-ის მიზნები, ჩვენი ეროვნული ინტერესებია. არის ჩვენი ინტერესი, რომ არსებობდეს ანტიამერიკული მთავრობა, რომელიც ხელისუფელბაშია მსოფლიოს მნიშვნელოვან რეგიონში? და თუ არა, ჩვენ მივიღებთ შესაბამის ზომებს, რათა ამ მთავრობამ ფასი გადაიხადოს. ეს საკითხი განხილვის პროცესშია და ჩვენ განვიხილავთ ვარიანტებს, დამატებით ვარიანტებს. დღეს არ მაქვს განცხადება, რას ვგეგმავთ. თუმცა, შემიძლია გითხრათ, რომ ეს არის საკითხი, რომელიც განიხილება. ეს კარგი მაგალითია იმისა, თუ რატომ ვაპირებთ მივმართოთ ჩვენს რეგიონულ ბიუროებსა და ადგილობრივ ოფისებს ადგილზე, რათა მათ მოგვცენ რეკომენდაციები იმის შესახებ, თუ ყველაზე მეტად რა ზომებზე ექნება ანტიამერიკულ მთავრობას რეაგირება.
არც ერთი მისი სიტყვა მართალი არ არის, ხოლო პათოსი მტრულია ქართველი ხალხის მიმართ.
თუ ვინმე ამერიკის დღევანდელი ხელისუფლების პოზიციებს იზიარებს და მისი ერთგულია, მათ შორის საქართველოს მთავრობა ერთ ერთი პირველია.
ჩინეთის ხსენება ტრამპის გასაღიზიანებლად არის გამიზნული, ხოლო რაც შეეხება ტრამპის შეურაცხყოფას, საქართველოს ხელისუფლებისათვის ასეთი რამის დაბრალება უსინდისობის აპოთეოზია, რადგან სწორედ საქართველოს ხელისუფლება იყო პირველთაგანი, იმ ქვეყნების მცირე ჩამონათვალში, რომლებიც ტრამპის გაპრეზიდენტებაზე ამყარებდა სამომავლო იმედებს და დღესაც იმედით ელის მისგან, ურთირთობათა სამართლიან კალაპოტში დაბრუნებას.
ბატონი უოლსონი არც ქართველი ხალხის შეურაცხყოფას ერიდება, როცა აცხადებს რომ თურმე არჩევნები გააყალბეს, მაგრამ იუსაიდისა და ნედის (თვით ტრამპის ხელისუფლების მიერ უკვე გაუქმებული) მიერ გამოზრდილი ენჯეოშნიკების გარდა ვერავინ ხვდება ამ გაყალბებას. მით უმეტეს, რომ გაყალბების ერთი კონკრეტული ფაქტიც კი ვერავის იპოვა.
ბატონი სახემწიფო მდივნის პასუხი იმედისმომცემად კორექტული და დიპლომატიურია.
ქართველი ხალხი დგას თავის ხელისუფლებასთან ერთად, პატივს სცემს ამერიკის დღევანდელი ხელისუფლების პოზიციებს და იმედით ელოდება ურთიერთობათა ორმხრივ სარგებლიანობის, ურთიერთპატივისვემისა და სუვერენიტეტის პრინციპებით ჩამოყალიბებასა და განვითარებას.