2020 წლის საპარლამენტო არჩევნების დროს ასე იყო, ერთმანეთს ამხნევებდნენ, არ უნდა შევიდეთ პარლამენტში, არ ვცნობთ ლეგიტიმაციას, შემდეგ ერთმანეთს ასწრებდნენ პარლამენტში შესვლას, - განაცხადა პარლამენტის დიასპორის საკითხთა კომიტეტის თავმჯდომარე, ირაკლი ზარქუამ ოპოზიციის არჩევნებში მონაწილეობაზე საუბრისას.
„ახლაც რასაც ამბობენ ნუ დაიჯერებთ. ნურც იმას, რომ მიიღებენ მონაწილეობას და ნურც იმას, რომ არ მიიღებენ მონაწილეობას. რადგან მათზე არ არის დამოკიდებული. როგორც მათი პატრონები დაუკვეთენ, ისე მოიქცევიან“, - აღნიშნა ირაკლი ზარქუამ.
