თავდაცვის მინისტრმა დავით კეზერაშვილმა და გაერთიანებული შტაბების ხელმძღვანელმა ზაზა გოგავამ თავიანთი ჯარი და სამხედრო გეგმები გადააბარეს ვანო მერაბიშვილს და მის მოადგილეს შალვა ჯანაშვილს. ეს არის ის, რასაც ღირსეული სამხედრო არ გააკეთებდა, - განაცხადა „2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი დროებით საგამოძიებო კომისიის“ ხელმძღვანელმა, პარლამენტის ვიცე-სპიკერმა თეა წულუკიანმა გადაცემაში „იმედი LIVE“.
„სხდომაზე გაირკვა, რომ გენშტაბის უფროსმა ზაზა გოგავა და მე მას კიდევ ერთხელ მინდა დავუდასტურო პატივისცემა მხოლოდ იმიტომ, რომ სამხრეებს ატარებს და რომელიც საერთოდ არ არის პროფესიონალი სამხედრო, ისე გახდა „ნაციონალური მოძრაობის“ დროს გაერთიანებული შტატების ხელმძღვანელი. ჩვენ როდესაც ბიოგრაფია თავადვე მოვაყოლეთ, დადასტურდა და სიამაყითაც თქვა, რომ მსოფლიოში არ არსებობს ასეთი პრეცედენტიო და სინამდვილეში სხვა რამისთვის გვაინტერესებდა, რომ ბიოგრაფია მოეყოლა. დადასტურდა, რომ რბილად რომ ვთქვათ, არ ჰქონდა უფრო მეტი სამხედრო ცოდნა და განათლება, ვიდრე სხვა სამხედროებს მაშინ, მაგრამ როგორც ჩანს, პოლიტიკურად სანდო პირი იყო.
მან არ დაიცვა მისდამი დაქვემდებარებული თავისი სამხედრო პირები. დაცვაში ვგულისხმობ რას - როდესაც ხარ გენშტაბის უფროსი, ხარ მინისტრი, ან ხელმძღვანელ თანამდებობაზე, როდესაც შენი პროფესიონალი გუნდი, ვინც საქმე იცის, ამბობს, რომ რაღაცა არის ასე, შენი როგორც ხელმძღვანელის ვალია, რომ ის პოზიცია დაიცვა ბოლომდე. რეალურად, თავდაცვის მინისტრმა დავით კეზერაშვილმა და გაერთიანებული შტაბების ხელმძღვანელმა ზაზა გოგავამ თავიანთი ჯარი და სამხედრო გეგმები გადააბარეს ვანო მერაბიშვილს და მის მოადგილეს შალვა ჯანაშვილს. ეს არის ის, რასაც ღირსეული სამხედრო არ გააკეთებდა. აღარაფერს ვამბობ მამუკა ყურაშვილზე, რომელიც გასაუბრებას თუ ვინმემ მოუსმინა, უკვე ნათელია რასთან გვქონდა საქმე“, - აღნიშნა წულუკიანმა.
