დონალდ ტრამპის ადმინისტრაციამ სახელმწიფო დეპარტამენტსა და ხაზინის დეპარტამენტს დაავალა, მოამზადონ იმ სანქციების სია, რომლის შემსუბუქება შესაძლებელი იქნება რუსეთთან მოლაპარაკებების დროს. ინფორმაციას ამის შესახებ სააგენტო Reuters-ი წყაროებზე დაყრდნობით ავრცელებს.
„ამჟამად უწყებები მუშაობენ წინადადებაზე, რომელიც ეხება გარკვეული კომპანიებისა და ფიზიკური პირების, მათ შორის ზოგიერთი რუსი ოლიგარქის წინააღმდეგ დაწესებული შეზღუდვების მოხსნას“, - აღნიშნულია მასალაში.
როგორც სტატიაშია აღნიშნული, ვაშინგტონი განიხილავს სანქციების ნაწილობრივი შემსუბუქების შესაძლებლობას, რათა გააუმჯობესოს ურთიერთობები რუსეთთან და მოიძიოს გზები უკრაინაში კონფლიქტის მოსაგვარებლად.
