ჩვენ ვხედავთ, რომ ზოგადად თანამედროვე მსოფლიო დგას ამ გამოწვევების წინაშე, რაც შეიძლება უკავშირდებოდეს ოჯახური ღირებულებების დაცვის აქტუალიზაციას, - განაცხადა პარლამენტის იურიდიულ საკითხთა კომიტეტის თავმჯდომარის პირველმა მოადგილემ, თორნიკე ჭეიშვილმა.
„სასიამოვნოა ის, რომ ესოდენ ძლიერი სახელმწიფოს აშშ-ს პრეზიდენტი ღიად არის იმ ღირებულებების მატარებელი, რომელიც საქართველოში ასევე არის ჩვენი ხელისუფლების მხრიდან ძალიან მაღალ დონეზე აყვანილი“, - აღნიშნა თორნიკე ჭეიშვილმა.
ამერიკის შეერთებული შტატების ოფიციალური პოლიტიკა იქნება, რომ არსებობს მხოლოდ და მხოლოდ ორი გენდერი - ქალი და კაცი. დონალდ ტრამპმა ამ საკითხზე ინაუგურაციის დღეს არაერთხელ ისაუბრა.
